Kaho na..

kaho

kya meri duniya mei tumhe rang kam dikhe?

haan mat bolna.

sawaal nahi tha|

duniya meri itni bhi kali na thi jo tumhe veeran si lagi,

gulal si bikharti zindagi ke palon ko

muskurate hue jiya hai maine,

holi ke bhang si har ek ahsas ko

piya hai maine.

afsos par, ki tum

ek bhi rang na dhoondh paaye.

are buddhu! nazar toh daudao zara

rang kaha na milenge,

bahane na banao|

pata hai ki tumhe pata nahi

mujhme hai umadti bhavnayein kaisi.

sach kahun toh mujhe bhi pata nahi|

par rang ki ek chata 

zaroor bikhari hai,

abhi abhi,

tumhi ne toh bikheri hai...

par tumko  toh dikhta nahi

lekin nahi,

meri duniya mei rang

hain kam nahi...

Aditya